مين الكور الكورةالأرضية؟
مين اللى دورها كده بحنية؟
مين اللى فى الفضا الكبير علقها
ما تقعش منها أى نقطة ميه؟
مين اللى عمل البنى أدمين
مفكرين و مبدعين
مين اللى أدانا عقول و قلوب
و شفايف تسأل:هو مين؟
مين اللى دايما صاحى واخد باله
و كلنا بنحبه جل جلاله
ربنا
أحنا بنحب ربنا وربنا بيحبنا
و يحبنا أكتر كمان لما نحب بعضنا
عمل فراشة باجنحة وزوقها
و كل فكرة مدهشة حققها
البحر حط له ملح لجل يعوم
و ما سابش حاجة إلا لما خلقها
ربنا
مين لما بنطلب يسمعنا
و ف وقت الحزن يشجعنا
و لما بنفرح بنشكر مين
على انه بسطنا و متعنا؟
مين اللى قلبه علينا واحد واحد
وكلنا بنحبه؟..هو الواحد
ربنا
احنا بنحب ربنا وربنا بيحبنا
و يحبنا أكتر كمان لما نحب بعضنا
سألتنى طفلة.قلت هو ما بيننا
موجود فى كل مكان و بيبص لنا
يشوف بنسعد بعض ولا لأ
ومن الخطر يحرسنا و يحوش عنا
فى كل مكان ربنا موجود
جنب الضعف و جنب المجهود
ياربنا..أنت جميل
و مفيش كمثلك فى الوجود
مين الصديق اللى مفيش غنى عنه
وكلنا بنحبه و نخاف منه؟
ربنا
احنا بنحب ربنا وربنا بيحبنا
و يحبنا أكتر كمان لما نحب بعضنا
الإثنين أبريل 21, 2008 5:38 pm